Jogi Bhutal 30 Mar 2023 ग़ज़ल समाजिक Sad shayeri jogi bhutal 96345 0 Hindi :: हिंदी
ਗ਼ਜ਼ਲ ਕਾਲੇ ਬੱਦਲ ਵਾਂਗ ਜੁਲਮ ਨੇ, ਜੜ ਆਪਣੀ ਵੀ ਮੱਲੀ ਪਈ ਐ, ਚਾਨਣ ਦੀ ਤਾਂ ਸਦਾ ਹਨੇਰੇ , ਸੰਗ ਬਗਾਵਤ ਚੱਲੀ ਪਈ ਐ | ਰਹਿ ਜਾਨੇ ਹਾਂ ਫ਼ਸਲ ਪਾਲ ਕੇ, ਲੈ ਜਾਂਦਾ ਹੈ ਹੋਰ ਕੋਈ, ਦੇਖ-ਦੇਖ ਕੇ ਹਾਲਤ ਸਾਡੀ, ਰੋਂਦੀ ਦਾਤੀ ਪੱਲੀ ਪਈ ਐ | ਸਾਡਾ ਘਰ ਹੀ ਮੰਦਰ ਸਾਡਾ, ਥੋਨੂੰ ਖ਼ੁਦਾ ਮੁਬਾਰਕ ਥੋਡਾ, ਮਸਾ ਉਸਾਰੀਆਂ ਨੇ ਚਾਰ ਕੰਧਾਂ, ਰਗ ਰਗ ਦੇ ਵਿੱਚ ਖੱਲੀ ਪਈ ਐ | ਦੁੱਧ ਪਿਲਾਂਦੈ ਮੰਦਰਾਂ ਦੇ ਵਿੱਚ ਜਾ ਜਾ ਕੇ ਭਗਵਾਨਾਂ ਨੂੰ, ਮਾਪੇ ਘਰ ਵਿੱਚ ਭੁੱਖੇ ਬੈਠੇ ਲੈ ਦੁਨੀਆਂ ਵੀ ਹੱਲੀ ਪਈ ਐ | ਨਿੱਤ ਨਿਹਾਰਾ ਰੂਹ ਦਾ ਸ਼ੀਸ਼ਾ, ਆਪਣੇ ਅੰਦਰ ਝਾਤੀ ਮਾਰਾ, ਨੈਣੀ ਸੱਚ ਦਾ ਅੰਜਨ ਪਾ ਕੇ ਮਨ ਦੇ ਵਿੱਚ ਤਸੱਲੀ ਪਈ ਐ | ਕਿੱਥੋਂ ਚੁਣ-ਚੁਣ ਸ਼ਬਦ ਲਿਆਵੇ, ਜੋਗੀ ਕਿੱਦਾਂ ਲਿਖਦਾ ਐ, ਸੋਚ-ਸੋਚ ਕੇ ਸ਼ਾਇਰਾਂ ਦੇ ਵਿੱਚ, ਮੱਚੀ ਹੁਣ ਥਰਥੱਲੀ ਪਈ ਐ | ਜੋਗ ਭੁਟਾਲ