Anilkumar Rathwa (Sameer) 02 Aug 2026 ग़ज़ल अन्य #Friendship day 1672 0 Hindi :: हिंदी

કાગળ ઉપર લખાય કે સિક્કા ઉપર વણાય,
એવી વફાદારીની આ દુનિયામાં ક્યાં કિંમત જણાય?

​મિત્ર તો બસ એવો હોવો જોઈએ અંધારામાંય,
જેના હોવાથી જ રસ્તે દીવાઓની જરૂર ન જણાય.

​સુખની ભાષા તો આખી દુનિયા સમજી જાણે છે,
દર્દને જે કહ્યા વગર વાંચે, એ જ સાચો મિત્ર કહેવાય.

​શ્વાસની ભાગીદારી તો લોહીના સંબંધોમાંય ક્યાં હોય?
આ તો બે અજાણ્યા જીવનો અજબ મેળ કહેવાય.

​સમયના વહેણમાં બધા ચહેરા બદલાતા જોયા છે મેં,
એક દોસ્તી જ છે જે પથ્થર પર કોતરેલી વંચાય.

​માગીને મેળવવો પડે એ તો કોઈ સોદો છે 'સમીર',
મિત્રતા તો એવો દરિયો છે, જે વિનંતી વગર છલકાય.