Anilkumar Rathwa (Sameer) 06 Apr 2026 ग़ज़ल धार्मिक "માનવતા" 17124 0 Hindi :: हिंदी

નથી પૂજા, નથી અર્ચના, ફક્ત માણસ થવું અઘરું છે,
બનીને દર્દ કોઈનું, કોઈનાં આંસુ લૂછવું અઘરું છે.

​મહેલ બાંધીને બેઠા છે અહીં લાખો યુગોથી સૌ,
પણ કોઈના દિલમાં નાનકડું ઘર કરવું અઘરું છે.

​ઈશ્વર તો કણ-કણમાં છે, એ વાત સૌ કોઈ જાણે છે,
પણ એ જ ઈશ્વરને માણસમાં જોવું અઘરું છે.

​કરે છે વાત ઊંચી એ સભામાં ધર્મની અકસર,
અમલમાં એ જ વાતોને જરીકે લાવવું અઘરું છે.

​ભલે હો નામ મોટું ને ભલે હો હોદ્દો દુનિયામાં,
ખરેખર 'માનવી' થઈને જગત જીતવું અઘરું છે.