Anilkumar Rathwa (Sameer) 05 May 2026 ग़ज़ल समाजिक #gujaratipoems#google#yahoo#bing 9876 0 Gujarati :: ગુજરાતી

બંને તરફ જો હોય બંદૂક, તો જ કાયદો વંચાય છે,
નહીંતર શક્તિશાળીની મરજી જ ન્યાય ગણાય છે.

​હોય જો જોર બરાબરનાં, તો જ નિયમો કામના,
બાકી તો તલવારની ધારે ઇતિહાસ લખાય છે.

​પૈસો નચાવે વિશ્વને, એ વાત તો સાચી મગર,
જ્યાં તાકાત ગરજે, ત્યાં તો પૈસો પણ ગભરાય છે.

​નિયમો બિચારા નબળાની પાંખો કાપવા માટે છે,
સમર્થ માટે તો એ હથિયાર બની વપરાય છે.

​બેસી રહે જે ભાગ્યના ભરોસે, તેને શું મળે?
અહીં તો લડનારાના હક જ પહેલા વહેંચાય છે.

​શાંતિ ને નૈતિકતાની વાતો તો સભાઓમાં શોભે,
મેદાનમાં તો બસ, જે જીતે એ જ પૂજાય છે.