Anilkumar Rathwa (Sameer) 08 Aug 2026 ग़ज़ल प्यार-महोब्बत "વાયા-વાયા " 690 0 Hindi :: हिंदी

એણે મારા ખબર-અંતર પૂછાવ્યા વાયા-વાયા,
મેં પણ મારા ખબર-અંતર જણાવ્યા વાયા-વાયા.

​હજી મંઝિલ ભલે બેયની જુદી છે સાવ આજે પણ,
છતાં પગલાં અહીં સુધી તો છે લાવ્યા વાયા-વાયા.

​કહેવું હતું જે રૂબરૂ એ કહી ન શક્યા કદી,
બસ એ જ પીડામાં કાગળ છે લખાવ્યા વાયા-વાયા.

​નથી સીધો સંબંધ કોઈ ને અજાણ્યા પણ નથી રહેવું,
કહો, કેમ આ રીતે સંબંધો સચવાયા વાયા-વાયા?

​કદર સમજી ગયું દિલ પણ હવે તો એ અંતરની,
સંદેશા પ્રેમભર્યા જ્યારે છે આવ્યા વાયા-વાયા.